Duke nisur prej ditës së sotme, 1 Prill, të gjitha vizat turistike dhe të biznesit në drejtim të Shteteve të Bashkuara do të lëshohen me afat kohor 10 vjeçar.
Lajmi është bërë i ditur nga amabasadorja e SHBA-së në Tiranë, Yuri Kim ku dhe ka treguar se aplikantja e parë shqiptare, e ka fituar vizën e vlefshme për 10 vjet.
Sakaq kujtojmë se viza amerikane turistike dhe e biznesit, do të variojnë nga 3 deri në 10 vjet.
Mesazhi i Ambasadës së SHBA:
Sot mund të jetë 1 prill, por kjo nuk është shaka! 1 Prilli shënon ditën e parë të zgjatjes 10 vjeçare të vizave për shqiptarët të cilët marrin viza turistike dhe biznesi për në Shtetet e Bashkuara. Mëngjesin e sotëm, Ambasadorja Yuri Kim përshëndeti aplikanten shqiptare të cilës iu dha viza e parë amerikane e vlefshme për 10 vjet. Ambasadorja Kim e uroi atë dhe bisedoi mbi planet e udhëtimit të saj për në Shtetet e Bashkuara këtë verë. Siç njoftuam këtë javë, vlefshmëria e vizave për aplikantët shqiptarë të kualifikuar për viza të reja turistike dhe biznesi do të zgjatet nga 3 vjet në 10 vjet, gjë që do të thotë se vizat turistike dhe të biznesit të dhëna pas ditës së sotme, do të jenë të vlefshme për udhëtime deri në vitin 2032. Ky është një lajm i jashtëzakonshëm ndërsa festojmë 100-vjetorin e marrëdhënieve midis Shteteve të Bashkuara dhe Shqipërisë.
