Ambasada Amerikane ka dalë më një njoftim në lidhje me 100 vjetorin e marrdhënieve me SHBA.
Përmes një postimi në ‘Facebook’, Ambasada fton të gjithë të rriturit dhe fëmijët që të jenë të pranishëm në Sheshin ‘Skënderbej’, pasi do të ketë shfaqje ushtarake me dy avionë ushtarakë B-52
Sakaq shton se këta aeroplanë për më shumë se 60-vjet kanë qenë themeli i forcës së bombarduesve strategjikë të Shteteve të Bashkuara.
Postimi i plotë:
Nderoni drejt qiellit këtë të hënë! Të rritur dhe fëmijë, mos humbisni një shfaqje të mahnitshme ushtarake dhe ejani të shihni fluturimin e dy avionëve amerikanë B-52 nga sheshi Skënderbej të hënën, më 22 gusht. Do të njoftojmë orën e saktë këtu në faqen tonë të hënën në mëngjes! Nuk ka mënyrë më të mirë për të nderuar 100 vjetorin të marrëdhënieve diplomatike midis Shteteve të Bashkuara dhe Shqipërisë, marrëdhëniet tona gjithnjë e më të forta në fushën e mbrojtjes dhe vlerat tona të përbashkëta të NATO-s. Aeroplanët B-52, të cilët për më shumë se 60 vjet kanë qenë themeli i forcës së bombarduesve strategjikë të Shteteve të Bashkuara, do të fluturojnë përmes qiejve miqësorë të Europës Juglindore për të ardhur drejt Shqipërisë.
