13 oficerë të rinj i janë shtuar Patrullës së Përgjithshme në Elbasan.
Nga autoritetet i është kërkuar që efektivët të tregojnë seriozitet dhe disiplinë në përmbushjen e detyrave që do të kryejnë.
?DVP Elbasan
Në ambientet e Drejtorisë Vendore të Policisë Elbasan u bë prezantimi i 13 oficerëve të rinj, të cilët kanë përfunduar studimet në Kolegjin Profesional të Formimit Policor, në Akademinë e Sigurisë dhe do të emërohen në strukturën e Patrullës së Përgjithshme të DVP Elbasan.
Oficerët e rinj të Patrullës së Përgjithshme u pritën nga Drejtori i Drejtorisë Vendore të Policisë Elbasan Drejtues i Parë Ardian Çipa, Zv/drejtori për Rendin dhe Sigurinë Publike, shefat e Komisariateve në varësi të DVP Elbasan dhe shefi i Sektorit të Burimeve Njerëzore të DVP Elbasan.
Drejtues Ardian Çipa i inkurajoi efektivët e rinj, që të tregojnë seriozitet dhe disiplinë në përmbushjen e detyrave që do të kryejnë.
Çipa: “Qëllimi kryesor i një punonjësi policie është që t’i shërbejë komunitetit, me përkushtim dhe humanizëm, duke zbatuar ligjin. Ju ofroj mbështetje nga ana ime, në përmbushjen e detyrave. Suksese në misionin tuaj!”
