Moderatorja e njohur Alketa Vejsiu, gjatë show-t të kërcimit “Dance Albania” ngriti dyshimet lidhur me pjesëmarrjen e balerinit Ilir Shaqiri, në “L’isola dei famosi”. Por a do të jetë balerini pjesë e këtij reality-show kaq të famshëm?
“Kam bindjen që ti Ilir Shaqiri do ta fitosh “L’isola dei famosi”, tha Alketa.
Mirëpo Iliri nuk bëri asnjë koment, madje ai thjesht buzëqeshi. Si pjesë e “Big Brother Vip”, Ilir Shaqiri përveç çmimit të madh fitoi edhe një kontratë me “Digitalb”, ku ai do të ishte imazhi zyrtar i platformës. Por së fundmi, janë ngritur dyshime jo vetëm për marrëdhënien e tij me drejtuesit e “Top Media”, por edhe për bashkëpunimin e tij me “Digitalb.”
Në puntatën e fundit të “Dance Albania”, Iliri shprehu dëshirën që të kërcejë me vajzën e tij Emily, e cila festoi disa ditë më parë ditëlindjen. Ai u shpreh se Emily e ndjek atë përmes aplikacionit dhe më pas Ermal Mamaqi e pyeti: “Je Akoma imazh i Digitalb ti se s’të kam parë më?” Përgjigja e Ilirit ishte e shkurtër, teksa ai u shpreh: “I Digitalbit? Atë e di partia”
Ishte vetë Iliri që e riktheu në vëmendje përgjigjen e tij, duke ripostuar bisedën e cila ishte publikuar fillimisht nga një faqe. Mes të tjerash faqja në ‘Instagram’ shkruante se: “Marrëdhëniet e Iliri me drejtuesit e Top Channel dhe Digitalb nuk janë të mira”
