Gjykata e Posaçme e Apelit la në fuqi vendimin e shkallës së parë për dënimet për laboratorin e kokainës në Frakull të Fierit.
Nikolin Gjolena – 11.4 vite burg
Viktor Cervanaku –10 vite burg
Enxhi Ferhati – 8 vite burg
Klajdi Kodra – 11.4 vite burg
Bledar Matoshi – 8 vite burg
Denilson Çervanaku –11.4 vite burg
Zenel Çervanaku – 9.4 vite burg
Redion Meshi – 9.4 vite burg
Julian Malaj – 2 vite burg
Marildo Rona –8 vite burg
Më 24 nëntor 2022 në oborrin e banesës së Viktor Cervanakut u gjetën rreth 600 thasë me pleh kimik, ku pas ekspertizës rezultoi se kishte në përbërje rreth 485.5 kg kokainë e ardhur nga Kolumbia.
Droga u zbulua nga një aksion i mirëorganizuar nga SPAK, DEA dhe policia malazeze, pas një hetimi prej rreth 3 muajsh.
Droga vinte nga Kolumbia, ndërsa në Shqipëri ajo përpunohej me destinacion tregun europian. Dy përpunues kolumbian të saj arritën të arratiseshin.
