Taylor Swift vazhdon të thyejë një rekord pas tjetrit. Këtë herë ajo arriti gjashtë milionë shitje albumesh në mbarë botën në tetë javë. Tre milionë prej tyre u shitën në SHBA. Albumi i dhjetë i yllit të pop-it, “Midnights” u publikua në tetor dhe shpejt arriti në numrin 1 në listat e Mbretërisë së Bashkuar dhe SHBA-së.
Swift bëhet e vetmja artiste që ka pesë albume për të shitur më shumë se një milion gjatë javës së publikimit, me “Midnights” që arrin në rreth 1.6 milionë.
Lucian Grainge, Kryetar dhe CEO i Universal Music Group, tha se: “Taylor është një forcë krijuese shumëdimensionale, arritjet e së cilës e vendosin atë në mesin e artistëve më të arrirë në historinë e muzikës dhe ne jemi të emocionuar dhe të nderuar që punojmë me të në kaq shumë aspekte të karrierës së saj”.
Themeluesi dhe CEO i Republic Records, Monte Lipman shtoi se: “Arritjet e Swift gjatë vitit të kaluar kanë qenë absolutisht spektakolare. Këto arritje tregojnë më tej aftësinë e Taylor si artisti dhe tregimtari i përsosur që përcakton një brez.”
Ajo i përshkroi “Midnights” si “historitë e 13 netëve pa gjumë të shpërndara gjatë gjithë jetës”.
