Shqipëria do të emetojë një tjetër eurobond në vlerën 650 milionë euro vitin tjetër për shpenzime dhe mbështetje buxhetore.
Në kuadrin Makroekonomik e Fiskal 2025-2027 të rishikuar së fundmi është saktësuar se deri në vitin 2027, planifikohen të tërhiqen dy borxhe, njëri në vlerë 650 milionë euro dhe tjetri 540 milionë euro.
Ky do të jetë eurobondi i 7 që vendi ynë do të marrë në tregjet e huaja, pasi deri më tani kemi marrë në tregjet e huaja 6 eurobonde me vlerë 3.2 miliardë euro.
Aktualisht borxhi publik është 58.2% të Prodhimit të Brendshëm Bruto.
