Katër persona janë shpallur fajtorë nga gjykata britanike pasi nëntorin e kaluar tentuan të trafikojnë 69 shqiptarë në Britaninë e Madhe. Masa e sigurisë iu dha ditën e djeshme për shkak të trafikimit të shqiptarëve.
Peshkarexha 30 metra e gjatë, u kap në brigjet e Norfolk nga forcat kufitare dhe u dërgua në Essex ku gjatë kontrollit u zbuluan emigrantët shqiptarë.
Trupa gjykuese doli në përfundimin se peshkarexha kishte ecur për 14 orë në det pasi ishte nisur nga Belgjika.
Kfir Ivgi, 32 vjeç, Sergejs Kuliss, 39 vjeç, Alexandrs Gulpe, 44 vjeç dhe Igor Koysi, 56 vjeç, u shpallën fajtorë nga gjykata ndërkohë që personi i pestë i arrestuar në lidhje me këtë skemë trafiku fitoi lirinë.
Gjykata dëgjoi se anija u kap me ndihmën e rojeve bregdetare teksa i afrohej Great Yarmouth. Më pas ajo u shoqërua në portin e Harwich, ku u gjetën 69 persona të ngjeshur në vaskën e anijes.
Autoritetet u alarmuan fillimisht për operacionin e kontrabandës së njerëzve pas raportimeve për aktivitet të dyshimtë kur anija u rrëzua në brigjet e Suedisë 15 ditë më parë.
Në një hetim të udhëhequr nga Agjencia Kombëtare e Krimit (NCA) dhe që përfshin policinë e Essex, Forcën e Emigracionit dhe Forcën Kufitare, tre anëtarë të ekuipazhit në bord u arrestuan.
Tre burra të tjerë u arrestuan në bastisjet e kryera nga NCA në qershor.
Secili u akuzua për komplot për të ndihmuar imigracionin e paligjshëm.
Shtetasi letonez Gulpe u shpall fajtor me një vendim unanim, ndërsa shtetasi ukrainas Kosyi me një vendim të shumicës prej 10 juristësh me dy. Ivgi, nga Corrigan Close, Finchley dhe Kuliss, nga Albert Basin Way, Newham, Londër, u shpallën të dy fajtorë me vendime unanime. Prokurorët i përshkruan ata si “organizatorë me bazë në Mbretërinë e Bashkuar”, së bashku me Jusas, 35 vjeç, nga Wandsworth Road, Lambeth.
Dënimi do të bëhet në një datë të mëvonshme.
Burimi: BBC
