Vdekja e Mbretëreshës Elizabeth të enjten pasdite i dha fund një prej monarkive më jetëgjatë në historinë botërore. Elizabeth shërbeu si monarke e Britanisë për më shumë se 70 vjet, nga kurorëzimi i saj në 1952 deri në vdekjen e saj.
Ajo lindi më 21 prill 1926. Ajo ishte vajza më e madhe e Princit Albert, Duka i Jorkut dhe Zonjës Elizabeth Bowes-Lyon. Ajo nuk ishte e destinuar për Mbretëreshën, babai i saj ishte një vëlla më i vogël i monarkut të atëhershëm, Edward VIII. Por kur ai, pasi kishte kaluar vetëm një vit në fron, vendosi të tërhiqej, diçka e padëgjuar deri atëherëpër të jetuar me gruan që donte, gjërat ndryshuan. Alberti u bë Mbret. Ai u riemërua George VI dhe, brenda një dite, Elizabeth ishte e para në linjën e trashëgimisë.
Ajo jetoi një jetë të bukur, plot interes. Ajo ishte monarkja më jetëgjatë britanike, pas mbretëreshës Victoria. E para që udhëtoi në Islandë. E para që ndihmoi në luftë. Një nga figurat më të rëndësishme të historisë botërore dhe vështirë se do të fshihet nga kujtesa e të gjithëve ne.
I gjithë ndikimi i mandatit të saj mund të përmblidhet në mënyrën më të thjeshtë. Deri të enjten, të paktën 9 nga 10 persona nuk kishin takuar kurrë një monarke britanike përveç Mbretëreshës, sepse kur lindën ajo ishte e vetmja në fron. Të dhënat nga CIA World Factbook sollën në dritë karakteristika demografike nga çdo vend në tokë dhe numrat vijnë nga të dhënat e njerëzve të lindur nga vitet 1950 e tutje.
Informacioni interesant u publikua në Washington Post dhe me ngjyrë vjollce të errët në imazhin e mëposhtëm, paraqiten banorët e çdo vendi të cilët janë mbi 65 vjeç dhe ndoshta kanë lindur para mbretërimit të Elizabeth. Për shembull, në Evropë dhe Amerikën e Veriut, dendësia është shumë më e lartë se në Afrikë.
Sipas World Factbook, rreth 10% e popullsisë së botës është mbi 65 vjeç. Në Britani, megjithatë, ajo arrin 19% dhe në Shtetet e Bashkuara 17%.
Vjollca e lehtë simbolizon popullsinë e lindur gjatë mbretërimit të Elizabeth dhe kjo përfshin mbi 53 milionë britanikë.
Faktet e cituara nga Uashingtoni janë padyshim interesante, pasi ato tregojnë ndikimin e saj të madh që nga dita kur ajo hipi në fronin britanik, me figurën e saj që dominonte të gjithë planetim./ab
