Gjatë natës është shtënë me armë zjarri drejt dy mjeteve të një 36-vjeçari. Makinat e një 36-vjeçari me inicialet D. N., janë bërë shoshë nga plumbat. Burime zyrtare të policisë njoftojnë se në fshatin Gomsiqe e Re, Njësia Administrative Velipojë, Shkodër, është qëlluar me armë zjarri në drejtim të mjeteve tip “Ford Fiesta” dhe “Benz” në pronësi të shtetasit D. N. Dy mjetet kanë qenë të parkuara në rrugë, pranë banesës së tij. Policia ka nisur hetimet, për të sqaruar rrethanat e ngjarjes, identifikimin dhe kapjen e autorit/ve.
NJOFTIMI I PLOTË:
Velipojë/Shkodër
Rreth orës 02:00 të mëngjesit të ditës së sotme, në fshatin Gomsiqe e Re, Njësia Administrative Velipojë, Shkodër, është qëlluar me armë zjarri në drejtim të mjeteve tip “Ford Fiesta” dhe “Benz” në pronësi të shtetasit D. N., 36 vjeç, të cilat kanë qenë të parkuara në rrugë, pranë banesës së tij.
Grupi hetimor, nën drejtimin e Prokurorisë së Rrethit Gjyqësor Shkodër, po punon për të sqaruar rrethanat e ngjarjes, identifikimin dhe kapjen e autorit/ve.
