E ftuar në emisionin “Kjo Jave”, ministrja e Energjisë dhe Infrastrukruturës Belinda Balluku është shprehur se momentalisht, pavarësisht krizës së energjisë nuk ka një vendim për rritjen e çmimit.
Ajo shtoi se është duke bërë një studim tregu, pikërisht për çmimin, duke theksuar se situate energjitike është dinamike edhe në tregun botëror.
Balluku nuk ka lënë pa një përgjigje edhe ish-kryeministrin Berisha, i cili akuzi qëverinë për vjedhje dhe mosmenaxhim në sistemin e energjisë, por edhe për dy anijet të marra me qera që janë ankoruar në bregdetin e Vlorës, të cilat pritet të prodhojnë energji, duke thënë se ato rrezikojnë të kryejnë një krim mjedisor të tmerrshëm.
Ministrja ndër të tjera tha se Sali Berisha gjatë periudhës kur ishte në qeveri e shkatërroi sistemin energjitik.
Pjesë nga biseda:
Qeveria ka shprehur garanci që do të mbrohet konsumatori për çmimin e energjisë por ka një vendim?
Nuk mundet që të gjithë të paguajnë të njëjtën çmim. Ndriçime pishinash, oborresh të kenë të njëjtën trajtim edhe për ata që e kanë për konsum bazik. Konsumatori do të mbrohet duke mos rritu asnjë qindarke çmimin e energjisë. E kemi thënë edhe për biznesin e vogël. 700 kë i përkojnë një konsumi mesatar dhe të kënaqshëm të një familje. Nuk ka një vendim për rritjen çmimit. Jemi në analizë akoma. Më pas do të vendosim si do të procedojmë. Kjo ka ardh si kërkesë e familjarëve vetë. ERE është institucion që zgjidhet nga Parlamenti por nuk shikoj ndonjë arsye se pse mos të zbatohet.
Kasakada e Drinit, a është zbatuar rregullorja?
Ky ka qenë një vit i thatë dhe nuk ka nevojë për fakte se jemi dëshmitarë. Kasada e Drinit është menaxhuar më së miri, është një vit për t’u marrë model. Kemi arritur tëq rrisim 28.5 metra. Keta janë tregues e fakte dhe ku futesh në narrativë politike unë e konsideroj të turpshme.
A ka një analizë për situatën që ne ndodhemi?
Janë bërë hap pas hapi e muaj pas muaji. Ne kemi bërë edhe provizione.
Akuzat e Berishës
Siç e ka thënë edhe kryeministri nuk merremi me përgjigje për askënd nga ata që janë shkaktarët kryesore të dëmtimit të sistemit elekto-energjitik. Është qesharake që akuzat vijnë nga persona që kanë kontribuar personalisht për shkatërrimin e sistemit. Kaskadat janë privatizuar në 2013 diçka e paprecedentë dhe nuk e di se ku mund të gjesh një situatë të tillë. Të dëgjosh sot ata të japin mend është një humbje kohe për të gjithë shqiptarët.
Fermat kanabis dhe bitcoin konsumatorë të energjisë.
Fakti që policia po ndërmerr kontrolle dhe ka evidentuar raste është një efenomen që po ndodh në botë. Ne po i paraprijmë kësaj situate. Unë falenderoj politicë që na është gjendur në mbështetje dhe ky është një aksion që duhet parë pozitivisht, ndërsa opozita duhet të bëj akuza që të fshehë situatën që është aktualisht.
