Bota e futbollit është në ankth për gjendjen shëndetësore të Stefano Takonit, 64-vjeçarit, ish-portieri i Juventusit, ku luajti nga viti 1983 deri në 1992.
Takoni ndodhet i shtruar në repartin e neurokirurgjisë në spitalin e Alessandrias. Dyshohet se Takoni vuante nga ishemia cerebrale dhe është transportuar nga urgjenca e Asti në një spital në Alessandria.
Me fanellën e Juventusit, ish-portieri i njohur italian fitoi gjithçka. Kupën Interkontinentale ndaj Argentinos JR në vitin 1985, Kupën e Kampionëve në Hejsel në sezonin 1984/1985.
Kupën e Kupave në sezonin 1983/1984 në Bazel ndaj Portos, Kupën UEFA në vitin 1990.
Superkupën e Europës në 1984 ndaj Liverpulit, dy tituj kampion në 1984 dhe 1986, Kupën e Italisë në vitin 1990 me Dino Zofin në pankinë.
