Në Ditën Botërore të Lirisë së Shtypit, ambasadorja amerikane në Tiranë shprehet se “lufta kundër korrupsionit të ketë sukses dhe pandëshkueshmeria të përfundojë, roli që ka një media e fortë dhe e pavarur është parësor”.
Ambasada Amerikane ndërkohë ka ndarë pamjet nga takimi me dy gazetarët, Edmond Hoxhaj dhe Isa Myzyraj të cilëve iu kërkon që të përpiqen të zbulojnë dhe të përcjellin të vërtetat.
Postimi i Plotë:
Në Ditën Botërore të Lirisë së Shtypit, Shtetet e Bashkuara ritheksojnë mbështetjen e tyre të palëkundur për gazetarët e pavarur të cilët përpiqen të zbulojnë dhe të përcjellin të vërtetën, të luajnë rolin e tyre mbikëqyrës në një mënyrë të përgjegjshme dhe të punojnë në një mjedis pa përndjekje, frikësime dhe vetëcensurë. Javën e kaluar, Ambasadorja Yuri Kim u takua me gazetarët Edmond Hoxhaj (BIRN Albania) dhe Isa Myzyraj (Ora News) për të shprehur mbështetjen e palëkundur për gazetarët e pavarur dhe për të dënuar sulmet direkte dhe indirekte ndaj gazetarëve të cilët kërkojnë të raportojnë në mënyrë të pavarur dhe të saktë. Që lufta kundër korrupsionit të ketë sukses dhe pandëshkueshmëria të përfundojë, roli që. ka një media e fortë dhe e pavarur është parësor.
