Një ngjarje e pazakontë ka marrë vëmendjen e mediave në Greqi, ku një shqiptare ka shkuar në një pikë të Rolex në Athinë për të rregulluar orën e saj me vlerë 85 mijë euro.
Sipas mediave vendase, policia e Atikës në bashkëpunim me Europolin, ka zbuluar se ora e çuar nga shqiptarja për riparim rezulton të jetë një nda 50 orat e vjedhura më 13 nëntor të 2017 në Kopenhagen të Danimarkës nga 3 hajdutë.
Kur tre autorët, anëtarë të bandës ndërkombëtare hynë në dyqan në kryeqytetin e Danimarkës dhe me kërcënimin e armëve dhe spraj piper, imobilizuan punonjësit dhe vodhën rreth 50 orë.
Njëri prej tyre, një Rolex prej 80 mijë eurosh, u gjet pesë vjet më vonë në pikën zyrtare të dyqanit të orëve zvicerane në Athinë dhe menjëherë dha alarmin. Ora e sekuestruar i është dorëzuar autoriteteve daneze, ndërkohë që hetimet nga Departamenti i Krimeve të Pronës pranë Drejtorisë së Sigurimit të Atikës, vijojnë.
Njoftimi i policisë:
Pas një hetimi nga Departamenti i Krimeve Pronësore të Drejtorisë së Sigurisë së Atikës, në bashkëpunim me autoritetet daneze, u zbulua dhe u konfiskua në zyrën e mbështetjes teknike të një kompanie, e cila ishte dorëzuar për riparim, një orë me vlerë 85 000 euro.
Ora e sekuestruar është pjesë e atyre të humbura, pas një grabitjeje me armë, të kryer më 13.11.2017 në një argjendari në Kopenhagë të Danimarkës, nga tre autorë. Ora e konfiskuar iu dorëzua autoriteteve daneze. Hetimet paraprake kryhen nga Departamenti i Krimeve të Pronës pranë Drejtorisë së Sigurisë Atikë.
