Elvis Demçe është trafikanti më i njohur shqiptar në Itali, i cili e shpalli veten “Zot i drogës”, teksa kërkonte të merrte të gjitha pushtetet e “botës së nëndheshme të krimit”.
Fotoja dhe detajet e reja janë publikuar nga mediat italiane.
Këto të fundit, shkruajnë se Demçe është rritur në familjet kriminale dhe i ka ngjitur shumë shpejt “shkallët e suksesit”.
“Elvis Demçe ka lindur në Fier, Shqipëri, më 10 gusht 1986. Ai banon në Velletri, por në fakt jetonte në Romë. Tani është në burg në pritje të gjykimit pasi akuzohet se është në krye të bandës së fundit të fuqishme të shqiptarëve me metoda mafioze që vepron në kryeqytet”, shkruhet në dosjen e hetimit.
