Kryeministri Edi Rama së bashku me bashkëshorten Linda Rama, u janë drejtuar kutive të votimit në zonën ku ata banojnë në Surrel. Në një prononcim për mediat, kryeministri Rama tha që të fitojë më i miri.
“Është ditë shumë e bukur. Me diell fantastik. Sot është dita të mos ushqejmë asnjë ndjenjë negative, që me votën e tij ka mendim tjetër. Jemi një familje e madhe në të njëjtin Atdhe.
Askush mos të harrojë se demokracia është sport pa spektatorë, dhe secili duhet të zbresë vetë në fushë dhe të gjuajë me votë. Zbrisni vetë në fushë dhe gjuajeni penalltinë tuaj”.
