Një aksident tragjik ka ndodhur këtë të enjte në Rrugën e Kombit, ku për pasojë një person ka humbur jetën ndërsa një tjetër ka mbetur i plagosur rëndë.
Mësohet se ngjarja ka ndodhur pranë fshatit Kolsh në Kukës. Dyshohet se makina ka humbur kontrollin dhe ka dalë nga rruga, ku për pasojë ka përfunduar në një humnerë.
Raportohet se dy të rinj nga Tropoja, po udhëtonin nga Tirana drejt Kukësit. Makina e tyre tip “Benz” ka rënë 100 metra në humnerën poshtë rrugës.
Shkak i aksidentit deri më tani dyshohet se ka qenë pakujdesia dhe manovrimi i gabuar i shoferit pasi nuk janë vënë re gjurmë frenimi në asfalt.
