Personi i cili ka hyrë me makinë në sheshin ‘Skëndërbej’, duke vënë në rrezik qytetarët që ndodheshin aty afër, dyshohet të ketë qenë nën efektin e lëndëve narkotike. Ndërkohë që u arrestua nga policia, i riu ka deklaruar: “Nuk e mora vesh fare. I futa një cigare”.
Mësohet gjithashtu se në makinë personit iu gjeten edhe disa doza droge.
Ka qenë një qytetar, i cili ka ndërhyrë duke neutralizuar autorin. Në një komunikim për gazetarët “heroi” që bëri të mundur të ndalonte një rrezik të mëtejshëm tha se ngjarja ishte e ngjashme me një akt terrorist.
