Është kthyer në pikën zero edhe raundi i dytë i procesit për zgjedhjen e presidentit.
Në Komisionin e Ligjeve, si opozita ashtu dhe maxhoranca nuk kanë paraqitur asnjë kandidat.Sakaq, këtë të hënë pritet që në orën 18:00 të mbahet seanca plenare në Kuvend, por që do të zgjasë pak minuta, në mungesë të një emri të propozuar. Ndërsa javën tjetër, do të jetë edhe raundi i tretë, ku Presidenti zgjidhet me 84 vota.
Opozita nëpërmjet kreut të grupit të saj, Enkelejd Alibeaj ka thënë se nuk do të ketë më diskutime me maxhorancën. Kjo e fundit nga ana tjetër ka theksuar se nëse opozita nuk sjell propozimet, atëherë ata do e zgjedhin të vetëm Presidentin në raundin e 4-rt, ku Kushtetuta parashikon që Kreu i ri i Shtetit të zgjidhet me 71 vota.
