Kryeministri Edi Rama ka dhënë një prononcim për mediat jasht dyerve të Kuvendit, në lidhje me dështimin e raundit të dytë për president.
Lidhur me këtë Rama tha se për të kërcyer tango duhen dy vetë dhe ata s’kanë partner.
“Duhen dy për tango thonë, nuk mund të bëjmë tango vetëm. Nuk kemi partner. Zgjidhja është një njeri, i cili të përmbushë detyrimet që ne kemi karshi shqiptarëve për ta çliruar atë zyrë. Po të kishim vendosur do ta kishim shpallur.
Nuk kemi vendosur asgjë. Kemi ndjekur këtë proces, duke dëgjuar të gjithë. Duhen dy për tango. Kemi gjithnjë të qartë se s’ka partner”, tha ai.
