Ushtria ruse ka sulmuar më shumë se 40 qytete në rajonet lindore në Donbas dhe Luhansk.
Lajmi është konfirmuar nga Ushtria e Ukrainës.
“Pushtuesit kanë qëlluar më shumë se 40 qytete në rajonin Donetsk dhe Luhansk, duke shkaktuar shkatërrime në më shumë se 47 vende, kryesisht në shkolla dhe banesa. Si pasojë e këtyre sulmeve humbën jetën pesë civilë dhe 12 të tjerë u plagosën”, bënë me dije forcat ushtarake ukrainase.
Kujtojmë se muajin e kaluar Rusia synonte të merrte në kontroll të plotë rajonin e Donbasit. Mijëra trupa ruse u vendosën në rajon duke sulmuar në të gjitha anët në përpjekje të rrethuar forcat ukrainase.
