Një ngjarje e paprecedentë ka ndodhur ditën e sotme në Fier, ku një Fuorsitradë me targa greke është futur kundravajtje dhe është përplasur me trafikndarësen dhe ka bllokuar edhe trafikun. Ngjarja ka ndodhur pranë vendit të njohur si “ Rotondua e Parkut” pranë kishës katolike, në aksin Fier-Patos.
Mësohet se fuoristrada me targa të shtetit helen KPK2650 udhëtonte në drejtim të Fierit kur është futur në korsinë e gabuar.
Fatmirësisht është shmangur përplasja ballore, ndërsa mjeti ka përfunduar në mes të trafikndarëses duke u përplasur edhe me një shtyllë të ndriçimit publik.
Fillimisht shoferi ka deklaruar se ka humbur kontrollin e mjetit ndërsa nga policia, që ka mbërritur menjëherë pranë vendit të ngjarjes po kryhen të gjitha procedurat për të zbardhur shkaqet e aksidentit. Gjithçka është regjistruar në një aks me lëvizje të konsiderueshme mjetesh, duke bllokuar për disa minuta edhe qarkullimin.
