Moderatori Arjon Muça ka zbuluar për të gjithë publikun se ka një hatërmbetje të vjetër me Arbana Osmanin.
Arjoni tha se e vlerëson si një prezantuese absolute por i ka ngelur ‘hatri’ pasi ajo nuk ka shkuar për ta përshendetur përpara se ai të futej në Big Brother Albania, vite më parë.
“Nuk më ka ardhur në dhomë në 2009 të më takonte, siç ka takuar të gjithë banorët e tjerë të Big Brother-it. Vetëm mua më ka ndodhur kjo”, tha ai
Sakaq, përsa i përket Bora Zemanit, Arjoni tregoi se është një person që punon fort dhe e do karrierën, mirepo një anë negative e saj është se nuk të përshëndet kur hyn në studio.
“Bora është karrieriste dhe punëtore. Tipari i keq është se nuk përshëndet. Më ka ndodhur edhe mua që nuk më flet. Nuk i vë re njerëzit që ka pranë”, shtoi Arjoni.
