Një grup militantësh kanë sulmuar një autobus civil në Sirinë lindore, duke vrarë tre persona dhe kanë plagosur 21 të tjerë.
Mediat e huaja bëjnë me dije se autobusi u sulmua pranë një fshati në një zonë të shkretëtirës së provincës Deir el-Zour, e cila kufizohet me Irakun. Sakaq, nuk dihet nëse autobusi u sulmua me mitraloz, raketa apo bomba në anë të rrugës.
Raporti nuk jep detaje të mëtejshme dhe nuk ka marrë përgjegjësinë e menjëhershme për sulmin. Pjesë të mëdha të Deir el-Zour dikur kontrolloheshin nga grupi ekstremist i Shtetit Islamik, i cili në vitin 2014 shpalli të ashtuquajturin “kalifat” në një të tretën e Irakut dhe Sirisë. Në të kaluarën, autoritetet siriane kanë fajësuar për sulme të tilla IS dhe celulat e tij të fjetura, të cilat kanë qenë aktive në Sirinë lindore dhe qendrore, pavarësisht se militantët e IS humbën zonat që dikur kontrollonin në 2019.
