Ministri i Mbrojtjes, Niko Peleshi në një lidhje të drejtpërdrejtë në emisionin “Open” në News24 ka deklaruar se një përqindje e vogël e bimësisë në Sazan është djegur. Peleshi tha edhe se po bëhet e madhe çështja duke shtuar se nuk është djegur e gjithë Shqipëria.
Sipas Peleshit, edhe sikur të ishin 4 helikopterët në Shqipëri, ata s’do të bënin dot punë për fikjen e zjarrit.
“Ata fikin zjarret se shtrojnë çështjet. Është një përqindje e vogël e Sazanit që është djegur, nuk është djegur gjithë Shqipëria. Ju thoni se ministri duhej të ndërpriste takimin jashtë.. të lutem tani. Nuk është çështje e një helikopteri . Një helikopter që do të ngrihej, s’do të bënte punë. Ai që u ngrit sot ishte avion canader, 50 mln euro. se kemi mundësinë që të bëjmë një të tillë.”, tha Peleshi.
