Rusia është gati të punoj për të siguruar daljen e anijeve nga portet e Ukrainës. Kështu deklaroi ministri i Jashtëm rus, Serghei Lavrov, gjatë një konference të përbashkët për shtyp në Ankara me homologun turk Mevlut Cavusoglu.
Sipas Turqisë, Ukraina është e gatshme të garantojë kalimin e anijeve tregtare përmes Detit të Zi. “Rusia – siguroi Lavrov – nuk do të sulmojë nëse Kievi fillon aktivitetet e çminimit në portet e tij për të lejuar anijet që transportojnë grurin”.
“Vladimir Putin ka folur tashmë për këtë, ai tha publikisht se ne garantojmë sigurinë e rrugëve dhe garantojmë se kur dhe nëse Ukraina kujdeset për çminimin” e porteve “ne nuk do të përfitojmë nga kjo situatë në interes të operacioni special ushtarak në vazhdim”, ka përsëritur Lavrov në konferencën për shtyp. “Këto janëg arancitë e presidentit të Rusisë, jemi të gatshëm t’i zyrtarizojmë në një mënyrë apo në një tjetër”, shtoi ai.
“Rusia – vazhdoi Lavrov – vlerëson përpjekjet e miqve tanë turq që po kërkojnë mënyra për tëzhbllokoni situatën, si të grumbullohet gruri nga portet ukrainase dhe të lejohen anijet e huaja të largohen nga këto porte, prej të cilave janë disa dhjetëra dhe që përgjithësisht mbahen atje si pengje”.
