Kreu i PD-së, Sali Berisha në komunikimin e përjavshëm me gazetarët tha se Këlliçi për të është një bashkëpunëtor shumë i çmuar dhe ka dhënë kontribut të veçantë në të gjithë ecurinë e PD në përpjekje për rithemelimin.
Ndër të tjera sqaroi se Kokalari ka dhënë kontribut të çmuar në partinë republikane por ka zgjedhur të mos kandidojë.
Pyetje: Kokalari ka njoftuar se ka lobuar negativisht për Këlliçin, a keni ndjerë keqardhje?
Berisha: E kam thënë dhe para jush nuk jam në favor të asnjë lobimi as negativ dhe as pozitiv. Por siç e thatë ju vetë unë duhet të jem realist. Sot në kohën e smartphonit varet nga secili. Këlliçu është një bashkëpunëtor shumë i çmuar dhe ka dhënë kontribut të veçantë në të gjithë ecurinë e PD në përpjekje për rithemelimin. Nuk jam për asnjë lobimi. Sqaroj se Evi Kokalari ka kontribut të çmuar por ajo vendosi vetë të mos kandidojë dhe të tërhiqet në jetën e saj dhe të ndjekë karrierën e saj në partinë republikane me sa di unë.
