Votimet e 25 prillit kanë shënuar surpriza të papara që kanë dalë nga brenda kutive të votimit dhe që nuk dihet a do të gjejnë apo jo shpjegim.
Nga lista e kandidatëve për deputetë ka edhe nga ata persona që kanë votuar vetëm veten e tyre, pra kanë marrë nga një tek votë, edhe pse mund të kenë pasur familjarë, të afërm dhe farefis, prej të cilëve mund të kërkonin votëbesimin.
Nga ndjekja e të dhënave të publikuara nga KQZ-ja, rezulton se janë 98 pretendentë për deputetë, të cilët gjatë numërimit të votave për kandidatët është zbuluar se kanë marrë vetëm nga një tek votë, ose thënë ndryshe vetën votën e tyre.
Kjo duket se ka ndodhur edhe me një tjetër prurje simpatike të Konservatorëve, ose thënë më qartë me një tjetër zgjedhje plot shije nga ana e kryetarit Kujtim Gjuzi, që me sa duket synonte ta kthente Parlamentin shqiptar në një “pasarelë modelesh”.
E kemi fjalën për ish-Miss-in Silvana Bushati, që për fat të keq nuk ka mundur të përfaqësohet denjësisht politikisht në këto zgjedhje, pasi ka marrë vetëm një votë.
Bushati kandidoi për deputete nën logon e “ABEOK” (Aleanca Bashkimi Popullor Emigracioni – Ora e Shpresës dhe Konservatorët), e drejtuar nga Kujtim Gjuzi, në qarkun e Shkodrës.
Siç duket, ish-Missi nuk ka qenë bindëse jo më për elektoratin shkodran, por as për familjarët e saj, pasi nuk ka arritur t’u marrë as atyre votat. Ose bukuroshes në të kundërt i janë vjedhur të gjitha votat e tjera ose tjetërsuar, por deri tani ajo nuk ka paraqitur ankimim në KQZ.
Më poshtë keni listën me të gjithë kandidatët që morën vetëm një votë:
/Priza.al/
