Një magazinë me foragjere dhe ushqim për bagëtitë ka marrë flakë në Berat.
Burime për median bëjnë me dije se magazina ishte në pronësi të Adriatik Nurellarit.
Mësohet se magazina e përfshirë nga flakët ndodhej pranë fabrikës së lëkurëve dhe një fabrike të prodhimit e përpunimit të sallamit, që fatmirësisht nuk patën asnjë problem, pasi forcat zjarrfikëse bënë të mundur lokalizimin e flakëve.
Si pasojë e zjarrit është shkrumbuar totalisht brenda magazinës rezervat me ushqim për kafshët, jonxhë e foragjere.
Ende nuk dihet nëse zjarri ka qenë i qëllimshëm apo jo.
