Zonja e parë e Ukrainës i tha CNN se marrëdhënia e saj me bashkëshortin e saj, Presidentin Vladymyr Zelensky, ishte “në pauzë” pasi atyre iu ndalua të takoheshin me njëri-tjetrin për periudha të gjata gjatë luftës.
Në një intervistë të martën, Olena Zelenskaya i tha korrespondentes së CNN, Christiane Amanpour se nuk i lejohet të takohet me Zelenskyn shumë shpesh, dhe nëse po, kjo është vetëm për një periudhë të shkurtër kohore.
“Por të paktën fizikisht e ndjej pranë meje”, tha Zelenskaya për CNN.
“Kjo nuk është normale. Kjo nuk është një marrëdhënie normale kur fëmijët nuk mund ta shohin babanë e tyre dhe detyrohen të flasin me të në telefon. Pra, marrëdhënia jonë është në pauzë, si të gjithë ukrainasit, “tha ajo.
“Ne… mezi presim të ribashkohemi, të jemi sërish bashkë, të kalojmë mbrëmje së bashku, të flasim me fëmijët për gjërat tona.”
Si Zelenskiy ashtu edhe gruaja e tij refuzojnë të largohen nga Ukraina pas pushtimit të Rusisë më 24 shkurt.
Në dy muajt e parë të luftës, familja nuk pati mundësi të shihej fare. Zelensky jetonte në zyrën e tij me stafin e tij, ndërsa zonja e parë dhe dy fëmijët e tyre, 17 dhe 9 vjeç, mbaheshin në një vend sekret.
