Një aksident është regjistruar pak minuta më parë në aksin Durrës-Kavajë, ku raportohet për të plagosur. Ngjarja ndodhi pranë vendit të quajtur Zifti, rreth 3 km nga Shkëmbi i Kavajës.
Nga informacione paraprake mësohet se shkak i aksidentit është bërë parakalimi i gabuar i automjetit tip ‘Benz’, i cili është përplasur me një ‘Ford’ dhe për pasojë kanë mbetur të lënduar drejtuesit e të dy automjeteve.
Në vendngjarje ka mbërritur ambulanca e cila i ka ardhur në ndihmë menjëherë të aksidentuarve, duke i dërguar në spitalin e Durrësit ku janë nën kujdesin e mjekëve. Grupi hetimor është në vendngjarje dhe po heton për shkaqet e këtij aksidenti.
