Një rast i pazakontë ka ndodhur në Ferizaj, ku djali ka kërcënuar me jetë të ëmën dhe motrën se nëse nëse nuk i jepnin lekët për birra, do i vriste.
Agresori, në 26 prill, në shtëpinë e nënës së tij, të dëmtuarës me inicialet E.S., i ka kërkuar 5 euro për të blerë birra. Ai e ka kërcënuar se nëse nuk do ia jepte lekët, do ta vriste me thikën e kuzhinës.
Ajo është detyruar t’ia blejë. “Pas konsumimit të birrave, i pandehuri përsëri kanos nënën dhe motrën e tij me thikë, duke iu thënë se do t’i vret, me ç’ka të dëmtuarat detyrohen të largohen nga shtëpia”, thuhet në njoftimin e policisë.
Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër shtetasit me inicialet S.S.
