Emanuele Ndoj do vazhdojë të jetë lojtar i Brescias. Kartoni i mesfushorit shqiptar i përket klubit të Seria B prej vitit 2016. Dhe tashmë është arritur marrëveshja për të vazhduar bashkëpunimin, dhe pse u duk që gjërat do mbylleshin pasi gjysma e dytë sezonin e fundit përfundoi si huazim te Cosenza.
Për Ndojin u përfol kalim i mundshëm te Tirana, megjithatë munguan gjërat konkrete. Pas zyrtarizimit te Brescia në Itali, për bardheblutë mbetet vetëm ta tentojnë në formën e huazimit nëse italianët do e lejonin. Tashmë transferimi duket i vështirë pasi Emanuele Ndoj e ka bërë zgjedhjen e tij.
