Gjatë ditës së sotme, është mbajtur mbledhja e Asamblesë Parlamentare të OSBE-së, ku të pranishëm ishin edhe përfaqësuesit e vendit tonë.
Sekretari i Përgjithshëm i PS Damian Gjiknuri, i cili mbante postin e Kryetarit të delegacionit të Kuvendit të Shqipërisë në këtë mbledhje, është takuar me Sekretarin e Përgjithshëm Roberto Montella, ku kanë diskutuar forcimin e bashkëpunimit dypalësh.
Postimi i Gjiknurit:
Në cilësinë e Kryetarit të delegacionit të Kuvendit të Shqipërisë mora pjesë në mbledhjen e Asamblesë Parlamentare të OSBE-së e cila po zhvillon punimet në Birmingam. Fokusi i mbledhjes rezolutat për dënimin e agresionit rus në Ukrainë dhe çështjet e forcimit të sigurisë në hapësirën e vendeve anëtare të OSBE. Gjatë punimeve pata kënaqësinë të takoj Sekretarin e Përgjithshëm Roberto Montella si dhe kryesuesit e delegacioneve nga vende të tjera me të cilët diskutuam forcimin e bashkëpunimit dypalësh..
