Eurodeputetët dhanë një opinion të favorshëm për ofertën e Kroacisë për t’u bërë anëtarja më e re e eurozonës nga 1 janari 2023.
Parlamenti, me 539 vota pro, 45 vota kundër dhe 48 abstenime, miratoi raportin e Siegfried Muresan) ku thuhet se Kroacia përmbush të gjitha kriteret për miratimin e euros më 1 janar 2023.
Raporti thekson se, pavarësisht vlerësimit të gatishmërisë së Kroacisë në sfondin e pandemisë COVID-19, inflacionit të lartë dhe luftës së Rusisë kundër Ukrainës, Kroacia vazhdon të jetë e gatshme për të adoptuar euron.
Opinioni i parlamentit do t’u përcillet vendeve anëtare të Eurozonës, të cilët janë përgjegjës për dhënien e lejes përfundimtare që Kroacia të miratojë euron.
