Qeveria hungareze ka shpallur gjendjen e jashtëzakonshme për shkak të krizës energjetike, duke specifikuar se plani i hartuar nga qeveria “do të hyjë në fuqi në gusht” dhe do të përfshijë, ndër të tjera, “ndalimin e eksporteve të transportuesve të energjisë dhe druve të zjarrit. “.
Këtë e ka bërë të ditur Gergely Gulyas, shefi i kabinetit të kryeministrit Viktor Orban.
Sipas një marrëveshjeje 15-vjeçare me Gazprom të nënshkruar vitin e kaluar, Hungaria merr 3.5 miliardë metra kub (bcm) gaz në vit nëpërmjet Bullgarisë dhe Serbisë sipas marrëveshjes së saj afatgjatë me Rusinë, dhe 1 miliardë metra kub tjetër nëpërmjet një tubacioni nga Austria.
Ministri i Jashtëm Peter Szijjarto tha se Budapesti ishte në bisedime për të blerë më shumë gaz përpara sezonit të ngrohjes, përveç kontratës ekzistuese afatgjatë me Rusinë, e cila furnizon 85% të nevojave të vendit për gaz.
