Një 39-vjeçar është arrestuar në Tiranë, pasi ka ngacmuar seksualisht dhe ka goditur me grushte një grua.
Shtetasi me iniciale Sinan Metën akuzohet për veprat penale “Ngacmimi seksual” dhe “Dëmtime të tjera me dashje”.
Mësohet se Meta dhe vajza në fjalë njiheshin, si dhe ky i fundit ka qenë i dënuar me 20 vite burg për vrasje në Greqi.
Njoftimi i policisë:
Shërbimet e Komisariatit të Policisë Nr. 3, pas marrjes së njoftimit se në sheshin “Skënderbej”, një shtetas kishte ngacmuar seksualisht një shtetase dhe e kishte goditur atë me grushte, menjëherë kanë organizuar punën për kapjen e tij. Brenda pak minutave, nga shërbimet e Komisariatit të Policisë Nr. 3, është bërë kapja dhe arrestimi në flagrancë i shtetasit S. M., 39 vjeç, për veprat penale “Ngacmimi seksual” dhe “Dëmtime të tjera me dashje”.
Nga veprimet e mëtejshme hetimore ka rezultuar se ky shtetas, më datë 11.07.2022, në sheshin “Skënderbej”, ka goditur me grushte shtetasin A. D. dhe më pas i ka marrë me dhunë aparatin celular.
Materialet i kaluan Prokurorisë, për veprime të mëtejshme procedurale.
