Moti në vendin tonë do të jetë sërish me temperatura të larta, për shkak të valës së të nxehtit afrikan që ka përfshirë Europën. Problem do të jenë temperaturat e larta deri në 40 gradë Celcius, duke nisur që nga kjo fundjavë. Sipas Shërbimit Meterologjik Ushtarak, i nxehti afrikan do të zgjasë edhe javën tjetër, por nuk do të favorizojë situatën e zjarreve, për shkak të shpejtësisë së ulët të erës.
Po ashtu, theksohet se gjatë kësaj periudhe nuk do të ketë reshje shiu, ose do të jenë të papërfillshme në zonat malore.
Fundjava pritet të jetë nën ndikim të masave ajrore relativisht të qëndrueshme dhe të nxehta, ndërsa sa i përket erës, nga veriperëndimi-verilindja me shpejtësi mesatare 1-6m/sek, e cila ditën e diel kryesisht pasdite fiton shpejtësi deri në 15-18m/sek. Situata nuk do të jetë e njëjtë gjatë fundjavës në disa momente era do të arrijë deri në 35 km/ h në brigjet e detit të Vlorës. Kjo gjë do të favorizojë zjarret aktive, që do të përhapen duke zgjeruar vatrat.
