Ekonomia shqiptare po siguron një mjedis të favorshëm për biznesin

Ekonomia shqiptare po vijon të sigurojë një mjedis të favorshëm për biznesin dhe është pranuese ndaj nevojave të ndërmarrjeve të vogla dhe të mesme.
Kështu shkruhet në raportin e fundit të realizuar nga Organizata për Bashkëpunim dhe Zhvillim Ekonomik
Në raport theksohet se që nga viti 2019, Shqipëria ka përmirësuar performancën e saj duke reflektuar kështu rëndësinë e ndërmarrjeve të vogla dhe të mesme në agjendën e politikave të qeverisë.
“Shqipëria shënon rezultate mbi mesataren e rajonit në 5 fusha të Politikave, konkretisht në kuadrin institucional dhe rregullator për hartimin e politikave”.
Në raport vlerësohen disa nga reformat e bëra në vend.
Sipas tij mjedisi operacional i Shqipërisë për bizneset mbetet më i avancuari në rajon.
Po ashtu në raport theksohet se reformat digjitale janë zbatuar në mënyrë të vazhdueshme në të gjithë nivelet e qeverisë dhe është bërë përparim si në rritjen e disponueshmërisë së shërbimeve digjitale.
Njëkohësisht thuhet se prokurimi publik ka avancuar duke përafruar gjithnjë e më shumë kuadrin e tij rregullator me kërkesat e BE-së.
Gjithashtu raporti vlerëson se krijimi i një ekosistemi të favorshëm për startup-et dhe inovacionin është bërë një prioritet për Shqipërinë.
Në Shqipëri, Bosnjë dhe Hercegovinë, Kosovë, Mal të Zi, Republikën e Maqedonisë së Veriut, Serbi dhe Turqi ato përbëjnë rreth tre të katërtat e punësimit të sektorit privat dhe gjenerojnë rreth 60 % të vlerës së shtuar të sektorit privat.