Pothuajse gjysma e gjermanëve që morën pjesë në sondazhin e opinionit publik besojnë se sanksionet anti-ruse dëmtojnë më shumë Gjermaninë sesa Rusinë.
Një sondazh me 1003 të anketuar i kryer nga agjencia INSA për gazetën Bild am Zontag tregon se 47 për qind e të anketuarve besojnë se sanksionet i kanë shkaktuar më shumë dëme Gjermanisë sesa Rusisë, vetëm 12 për qind kanë mendim të kundërt, ndërsa 36 për qind besojnë se sanksionet janë të dhimbshme për të dy vendet, raporton agjencia Tas.
Rezultatet e sondazhit treguan se 74 për qind e të anketuarve presin që Gjermania së shpejti të goditet nga një krizë ekonomike dhe një rritje e papunësisë, 83 për qind e të anketuarve presin rritje të çmimeve dhe 63 për qind frikësohen nga mungesa akute e gazit.
Ish-deputeti i Bundestagut gjerman dhe i Parlamentit Evropian, Fabio de Masi, gjithashtu beson se sanksionet u bëjnë më shumë dëm vendeve që i kanë futur ato sesa Rusisë.
Në një intervistë për Berliner Zeitung, ai tha se “Gjermania po dridhet” dhe së shpejti mund të ngrijë.
“Nuk është e qartë se për sa kohë Rusia do të vazhdojë me dërgesat e gazit dhe nëse depozitat e gazit do të kenë sasi të mjaftueshme për familjet dhe ekonominë për të mbijetuar sezonin e dimrit,” tha de Masi.
Ai paralajmëroi se pasojat e mungesës së energjisë po ndihen tashmë në Gjermani, sepse çmimet e karburanteve janë rritur “deri në qiell”.
