Me një pasuri të madhe, ndarja e themeluesit të Microsoft mund të bëhet më e shtrenjta, madje duke tejkaluar atë të pronarit të Amazon. Nga Rupert dhe Anna Murdoch te Silvio Berlusconi dhe Veronica Lario: të gjitha ndarjet me vlerë miliarda ose miliona dollarë dhe euro.
Bill dhe Melinda Gates njoftuan divorcin e tyre në 2021 pas 27 vitesh, dhe tre fëmijë së bashku. Kushtet e marrëveshjes nuk dihen, por trashëgimi të familjes Gates janë të mëdha. Pasuria e tij arrin në 133 miliardë dollarë që nga janari 2021, ajo e gruas së tij në 70 miliardë dollarë. Pjesa e aksioneve të çiftit në Microsoft vlen mbi 7 miliardë dollarë, fondacioni Bill dhe Melinda Gates mban pasuri me vlerë mbi 50 miliardë dollarë.
Një çift tjetër, ndarja e të cilëve kushtoi miliona ose miliarda dollarë është ai i Jeff Bezos. Në vitin 2019, Jeff Bezos dhe ish-gruaja MacKenzie bënë një marrëveshje me vlerë 38 miliardë dollarë. Pronari i Amazon i ka transferuar gruas 4% të aksioneve të gjigandit të tregtisë elektronike, me vlerë 38.3 miliardë dollarë. Bezos do të mbajë 12% të aksioneve, me vlerë 114.8 miliardë dollarë, dhe mbetet një nga personat më të pasur në planet.
Në mes të vitit 2015, mbërrin një tjetër divorc nga më të shtrenjtët në histori: Sergey Brin, themelues së bashku me Larry Page të Google, dhe Anne Wojcicki, sipërmarrëse amerikane dhe bashkëthemeluese filantropiste dhe CEO i kompanisë së gjenomikës 23andMe, i dhanë lamtumirën pas 8 vitesh. Kushtet e marrëveshjes nuk janë zbuluar në të vërtetë, por vetëm dy vjet më parë vlera e tij neto ishte 48.8 miliardë dollarë, ndërsa pjesa e Anne në 23andMe ishte me vlerë 440 milion dollarë.
Shkurorëzimi midis Rupert Murdoch, një sipërmarrës amerikan dhe producent televiziv i lindur në Australi, dhe ish-gruas së tij të dytë Anna Maria Torv Mann mbas 32 vitesh kushtoi 1.7 miliardë dollarë. Çifti ishte i bashkuar nga 1967 në 1999.
Divorci midis Silvio Berlusconit dhe Veronica Lario ishte ndoshta më i shtrenjti në Itali. Në vitin 2015, vendimi i parafundit përcaktoi një ndihmë mujore për ish-gruan prej 1.4 milion euro bruto në muaj (rreth 800 mijë neto). Pastaj Gjykata e Lartë kishte revokuar çekun e divorcit, duke kërkuar Veronica Lario-s të kthente mbrapsht 46 milion. Në vitin 2020 ish-kryeministri hoqi dorë nga 46 milionët ndaj ish-gruas së tij, ndërsa Veronica për 18 milion kredi.
Ndër divorcet më të shtrenjta në histori është edhe ajo midis Vittorio Cecchi Gori dhe Rita Rusic. Çifti u martua nga 1983 deri në 2000. Lamtumira i kushtoi biznesmenit një çek për 4,5 miliardë lireta.
Edhe në shtëpinë e Disney ka një divorc milioner, është ai midis Roy, nipi i Walt Disney dhe gruas së tij Patricia që ndodhi në 2007. Në atë kohë, pasuritë e burrit arritën në rreth 1.3 miliardë dollarë dhe ndarja pas 52 vite martese do të kishte vlerë 600 milion dollarë.
Divorci midis Mel Gibson dhe Robyn Moore, në vitin 2011 pas 26 vitesh martesë dhe 7 fëmijëve, vlen 425 milion dollarë, dhe është ndër më të shtrenjtët midis yjeve të kinemasë.
Për vite me radhë i konsideruar si çifti i artë i Hollywood-it, edhe divorci midis Tom Cruise dhe Nicole Kidman vlen disa milion dollarë: specifikisht rreth 200 milion.
Midis sportistëve, ylli i NBA Michael Jordan gjithashtu vendosi një rekord për vlerën e marrëveshjes së divorcit, i cili u largua nga gruaja e tij Juanita në 2006 pas 17 vitesh martesë. Gruas i takuan 168 milion dollarë (145 milion euro).
Burimi i lajmit: Skytg 24. Përshtati: Priza.al
