Dy automjete janë shkrumbuar këtë pasdite në Orikum.
Mësohet se automjetet tip “Mitsubishi” dhe “Jeep” të cilat ishin të parkuara janë përfshirë nga flakët si pasojë e zjarrit që ra në një sipërfaqe toke me barishte.
Njoftimi i policisë:
Sot, rreth orës 18:45, pranë Kishës, në Orikum, është përfshirë nga flakët një sipërfaqe toke me barishte.
Si pasojë e përhapjes së flakëve janë djegur pjesërisht dy automjete tip “Mitsubishi” dhe “Jeep”, të parkuara.
Grupi hetimor po punon për përcaktimin e shkakut të rënies së zjarrit.
