Ministri i Jashtëm hungarez është zyrtari i parë i BE që shkon në Rusi që pas luftës që Putin I shpalli Ukrainës . Ministri ka shkuar me një mission që “tradhëton” përfundimisht vendimet për sanksione ndaj Rusisë. Vizita kishte qëllim negociimin për një furnizim shtesë prej 700 milionë metra kub metan.
Pavarësisht sanksioneve të BE-së për pushtimin e Ukrainës, qeveria hungareze ka njoftuar se synon të blejë gati një miliard metër kub gaz natyror më shumë nga Rusia. Një kërkesë e mirëpritur ngrohtësisht nga Moska, me Ministrin e Jashtëm rus Sergei Lavrov, i cili u sigurua shpejt se kërkesa e Budapestit për gaz shtesë do të “përcillet dhe miratohet menjëherë”.
Marrëveshja e mundshme për furnizimin e bujshëm rus me energji vjen një ditë pas prezantimit të planit të Komisionit Evropian për të reduktuar kërkesën e BE-së për gaz me 15% dhe kështu të jetë në gjendje t’i rezistojë ndërprerjes gjithnjë e më të mundshme të furnizimeve ruse me energji pas pushtimit të Rusisë.
“Në situatën aktuale ndërkombëtare, gjëja më e rëndësishme për ne është të garantojmë sigurinë energjetike të Hungarisë”, tha ministri i Jashtëm Peter Szijjarto në një konferencë shtypi drejtpërdrejt nga kryeqyteti rus. “Prandaj, do të doja të bija dakord për një rritje të vëllimeve të gazit të furnizuar nga Rusia në Hungari”, shtoi ai, duke iu drejtuar homologut të tij Lavrov.
“Për të garantuar sigurinë e furnizimit me energji të vendit, qeveria hungareze ka vendosur të blejë 700 milionë metra kub gaz natyror përveç sasive të parashikuara tashmë në kontratat afatgjata”, njoftoi Fidesz, partia e kryeministrit Viktor Orban, përmes një postimi në Facebook. Vetëm pak ditë më parë, vetë Orban kishte kundërshtuar publikisht sanksionet e BE-së ndaj sektorit energjetik rus, duke deklaruar se me këtë strategji BE-ja e kishte “qëlluar veten në mushkëri”.
” Pavarësisht nëse marrëveshja ka përfunduar apo jo, për Kremlinin është ende një fitore thjesht fakti që ka bindur një vend të BE-së të distancohet nga linja pro-ukrainase Budapesti dhe Moska – përfundoi Lavrov – do të zhvillojnë marrëdhënie “të qëndrueshme dhe strategjike”.
