Presidenti i zgjedhur, Barjam Begaj do të marrë detyrën sot në orën 18:00.
Ceremonia e betimit do të mbahet në Kuvend, ku vetëm një orë para garda shihet se ka mbërritur në apartamentin ku Begaj jeton në pritje të shoqërimit të tij.
Në zonë vihen re masat e sigurisë të marra, ku efektivë të gardës kanë siguruar të gjithë zonën përreth teksa presin nga momenti në moment që Begaj të niset drejt Kuvendit për të marrë detyrën e re.
Axhenda e ceremonisë në Presidencë:
- 18:45 – 19:15 – Mbërritja e të ftuarve
- 19:15 – Mbërritja e Presidentit të Republikës SH.T.Z. Bajram Begaj në Presidencë
- 19:29 – Presidenti i Republikës SH.T.Z. Bajram Begaj bashkë me ish-Presidentin e Republikës SH.T.Z. Ilir Meta, dalin nga Presidenca dhe zënë vend në tribunë
- 19:30 – Luhet Himni Kombëtar nga Orkestra Frymore e Forcave të Armatosura, shoqëruar nga 21 të shtëna topi
- 19:35 – Znj. Vitore Tusha, Kryetare e Gjykatës Kushtetuese i dorëzon Presidentit, Kushtetutën e Republikës së Shqipërisë.
- 19:40 – Fjala e Presidentit të Republikës, SH.T.Z. Bajram Begaj
- 19:50 – Largimi i ish-Presidentit të Republikës, SH.T.Z. Ilir Meta
- 19:53 – Komandanti i Truprojës së Nderit i Forcave të Armatosura i paraqet forcën Presidentit. Kalim në revistë i Presidentit.
- 19:58 – Presidenti i shoqëruar nga familja hyjnë në Presidencë
- 20:00 – Pritje zyrtare në oborrin e Presidencës.
