Aktiviteti kriminal i një grupi shqiptarësh ka rënë në gjurmët e policisë greke, ku katër prej tyre janë arrestuar.
Mediat greke bëjnë me dije se të arrestuarit akuzohen se kanë kryer 45 vjedhje në periudhën tetor-nëntor të 2021-it si edhe gjatë muajit korrik të 2022-it. Mësohet se ‘fokusi’ i grabitjeve të tyre kanë qenë kryesisht banesat dhe magazinat, ku vlera e sendeve të plaçkitura arrin në 30 mijë euro.
Gjatë arrestimit, policia ka arritur të sekuestrojë 1560 euro, 8.000 lekë, një pushkë gjuetie dhe dy biçikleta, të cilat janë përdorur nga autorët për vjedhje.
