Presidenti Bajram Begaj ka dekretuar sot emërimin e Gjeneral Brigade Arben Voke Kingji si Shef të Shtabit të Përgjithshëm të Forcave të Armatosura të Republikës së Shqipërisë.
Emri i tij është propozuar nga kryeministri Edi Rama dhe u dekretua sot nga kreu i shtetit Bajram Begaj.
Gjeneral Brigade Arben Kingji ka drejtuar deri më sot Forcën Tokësore të FA dhe më herët ka mbajtur detyrën e komandantit të Batalionit të Mbështetjes në Shtabin e Përgjithshëm të Forcave të Armatosura.
Gjenerali Brigades Arben Kingji ka ushtruar gjithashtu edhe detyra të tjera si ajo e atasheut ushtarak të Republikës së Shqipërisë në Rumani. Më herët ai ka qenë edhe komandant i Policisë ushtarake. Ka kryer Kursin e Shtabit të Përgjithshëm në Akademinë e Mbrojtjes në Tiranë.
Gjeneral brigade Kingji ka mbajtur detyrën e komandantit të kontingjentit në disa misione në Afganistan e Irak.
Në vitin 2016 ai përfundoi edhe studimet për drejtësi në Winsdom University. Për kontributet e tij në Forcat e Armatosura, gjeneral brigade Arben Kingji është nderuar me disa medalje. Ai mban edhe medaljen e Artë të Shqiponjës, dhënë nga Presidenti i Republikës.
