Një zjarr i fuqishëm përfshiu fshatin Fushë-Peshtan të Poliçanit.
Zjarri që mendohet të jetë i qëllimshëm është përhapur përgjatë aksit rural Fushë Peshtan-Karkanjoz, duke përfshirë edhe arat me të mbjella.
U raportua se mjetet zjarrfikëse të Poliçanit e kanë pasur të pamundur të shuajnë flakët dhe se kanë kërkuar ndihmën e e Repartit të Shpëtimit nga Zjarri Berat.
Tre mjete nga Berati janë nisur drejt Poliçanit dhe vetëm pak minuta më parë është bërë e mundur shuarja e zjarrit.
Si pasojë e flakëve janë djegur dhjetra rrënjë ulliri dhe disa dynym tokë arë me të mbjella, ferra e shkurre.
