Sulmuesi polak u prezantua dje zyrtarisht në “Kamp Nou”, do të mbajë fanellën me numër 9, sikurse e kishte kërkuar, ia dha Dipaj
Robert Levandovski është prezantuar dje para tifozëve të Barcelonës. Sulmuesi polak ishte paraqitur me katalanasit në ndeshjet para-sezonale, por dje u organizua ceremonia e prezantimit të tij zyrtar në “Camp Nou”. Levandovski është paraqitur edhe në konferencë për media, ku mes tjerash tha se është gati për rivalitetin me Real Madridin. “Sigurisht që unë dua të luaj në ‘El Clasico’. Gati për t’u përballur me Realin, di si të luaj kundër tyre. Sezoni i kaluar ishte shumë i mirë për ta, por Barcelona është këtu për t’i mposhtur”, tha ai. “Nuk mendoj për Real Madridin apo për Benzemanë. Është një sulmues i jashtëzakonshëm, ai ka luajtur në La Liga për shumë vite, por është e rëndësishme për mua që të luaj mirë për Barçën, jo kundër tij”, shtoi 33-vjeçari. Robert Levandovski është prezantuar sot para tifozëve të Barcelonës në “Camp Nou”. Sulmuesi polak ishte paraqitur me katalanasit në ndeshjet para-sezonale, por kjo nuk e zbuti entuziazmin pasi mijëra tifozë u mblodhën për ta parë atë në ceremoninë zyrtare të prezantimit. Ndoshta detaji më interesant është se ai doli në fushë i veshur me fanellën me numrin “9”. Levandovski e barti veshur fanellën me numrin “12” gjatë ndeshjeve parasezonale, pasi Memfis Dipaj mbante numrin “9”. Megjithatë, duket se çështja rreth këtij numri është zgjidhur dhe holandezi ka hequr dorë. 33-vjeçari u shoqërua në fushë nga presidenti Joan Laporta, i cili bëri gjithçka për të falënderuar drejtorin sportiv Mateu Alemani dhe vetë lojtarin, por edhe agjentin e Levandovskit, Pini Zahavi, për ndihmën e tij në arritjen e një marrëveshjeje. “Mirëmëngjesi Kulers. Jam shumë i lumtur që jam këtu, faleminderit!”, ishin fjalët e para të Levandovskit para tifozëve. Kujtojmë se Robert Levandovski ishte zyrtarizuar te Barcelona më 19 korrik. Ndërkohë, drejtori sportiv i Barcelonës, Mateu Alemani, ka konfirmuar se klubi kishte marrëveshje me Çesar Azpilicuetan, por jo edhe me Çelsin. Klubi katalanas e kërkoi edhe transferimin e mbrojtësit spanjoll këtë verë, por kjo lëvizje nuk pritet që të realizohet. Alemani konfirmoi se Barcelona kishte marrëveshje me lojtarin, por që Çelsi refuzoi ta shiste. “Ne kishim një marrëveshje me Aspilicuetën për një kontratë, por Çelsi refuzoi ta shesë atë”, tha ai. “Barcelona ka mundësi të tjera për të forcuar këtë pozicion”, shtoi Alemani, por nuk përmendi emra. Kujtojmë se ditën e djeshme u bë e ditur se Azpilicueta ka vazhduar kontratën me “Blutë”. Kontrata e 32-vjeçari tani është e vlefshme deri më 30 qershor 2024.
