Një aksident i rëndë është shënuar mëngjesin e sotëm në aksin Lezhë-Shkodër, ndërsa raportohet se kanë mbetur disa persona të plagosur, mes tyre një fëmijë.
Burime për median bëjnë me dije se të plagosurit janë transportuar me urgjencë në spitalin e Lezhës, ndërsa fëmija ndodhet në gjendje më të rëndë shëndetësore.
Raportohet se në aksident është përfshirë një automjet tip fuoristradë “Mitsubish” dhe një “Audi a6”.
Aksidenti ndodhi në superstradën Lezhë-Shkodër në afërsi të fshati Piraj. Mësohet se “Audi” me targa të Kosovës ka kryer një parakalim të gabuar duke u përplasur me makinën tjetër, që vinte në drejtim të Lezhës, për pasojë 4 persona kanë mbetur të plagosur, një në gjendje kritike.
Ndërkohë, trafiku është bllokuar në të dy anët dhe lëvizja është devijuar në aksin e vjetër, Kallmet-Dajç.
