Në mesin e korrikut ajo shfaqi një tabelë në qendër të Moskës duke akuzuar Putinin si “një vrasës” dhe përgjegjës për vdekjen e mbi 300 fëmijëve.
“Jo luftës. Mos i besoni propagandës, po ju gënjejnë”, shkroi ajo në një tabelë të shfaqur drejtpërdrejt në TV në transmetuesin kryesor rus më 14 mars, duke përfunduar në burg. Tani gazetarja ruse Marina Ovsyannikovau arrestua sërish dhe po hetohet se ka përhapur informacione të rreme për ushtrinë ruse.
Arrestimi
-Lajmi u përhap nga vetë Ovsyannikova përmes kanait të saj të telegramit duke shkruar se në orën 6 të mëngjesit të së mërkurës dhjetë policë hynë në shtëpinë e saj. Avokati më pas shpjegoi për agjencinë AFP se një hetim u hap kundër saj me akuzën e përhapjes së informacionit të rremë mbi veprimet e forcave ushtarake ruse. Është një krim i futur në kodin penal pas fillimit të konfliktit në Ukrainë dhe ajo rrezikon deri në 15 vite burg. Tani gazetarja është në paraburgim në qendrën e paraburgimit të përkohshëm në rrugën 38 Perovka në Moskë.
Protesta e gazetares
Vetëm një muaj më parë, më 15 korrik, Ovsyannikova, e cila ishte kthyer në shtëpi pas një periudhe jashtë vendit, shprehu sërish kundërshtimin e saj duke ekspozuar në argjinaturën e një Sofiyskaya (përgjatë lumit Moskë, në kryeqytetin rus)një shenjë e re. Në këtë ish-gazetarja e televizionit shtetëror rus e quajti Putinin “një vrasës”dhe për ushtrinë shkruante: “Ushtarët tuaj janë fashistë. 352 fëmijë vdiqën. Sa fëmijë të tjerë duhet të vdesin që ti të ndalosh?”, duke iu drejtuar presidentit rus
